உங்கள் நாளின் பெரும்பகுதியை நீங்கள் PUBG மொபைலில் செலவிட்டு இருந்தால், நிச்சயமாக இது உங்களுக்கு கடினமான நாட்களாகத்தான் இருக்கும். பப்ஜி மொபைல் கேம் மீதான அரசாங்கத்தின் சமீபத்திய தடை பல கேமர்களை, அதற்கு சமமான நல்ல மாற்றீட்டை எதேட தூண்டியுள்ளது.
அதனை மனதில் வைத்து ஒரு இந்திய டெவலப்பர்வழியாக உருவாகி பாலிவுட் சூப்பர் ஸ்டார் ஆன அக்ஷய் குமாரை பிராண்ட் தூதராக தேர்வுசெய்து இரவோடு இரவாக "வெளியான" கேம் தான் - nCore Games FAU-G.
ஆம், PUBG மொபைலுக்கான இந்தியாவின் பதில் FAU-G ஆகும். இந்த புதிய கேமின் டெவலப்பர்கள் PUBG மொபைல் விசுவாசிகளை மனதிற்கொண்டு, அவர்களை ஈர்க்க வேண்டும் என்பதற்காக பல வேலைகளை செய்து இருப்பார்கள் என்பதில் எந்த சந்தேகமும் வேண்டாம்.
அக்ஷய் குமார் தனது சமீபத்திய ட்விட்டர் போஸ்ட் ஒன்றில், இது கேமர்களுக்கு அதிக அளவிலான பொழுதுபோக்கை அளிப்பதில் கவனம் செலுத்தும் ஒரு அதிரடி கேம் ஆகும் என்று குறிப்பிட்டுள்ளார். விளையாடுவதை தவிர இந்த கேம் நமது இந்திய ஆயுதப்படைகளின் தியாகங்கள் குறித்தும் பிரசங்கிக்கும் என்பது கூடுதல் சுவாரசியம்.
FAU-G எதைக் குறிக்கிறது என்று நீங்கள் யோசித்துக்கொண்டிருந்தால், இதன் அர்த்தம் “அச்சமற்ற மற்றும் ஐக்கிய காவலர்கள்” என்பதாகும், அதவது ஆங்கிலத்தில் - Fearless And United-Guards ஆகும்.
மற்றொரு சுவாரசியமான விடயம் என்னவென்றால் PUBG மொபைலைப் போலன்றி, FAU-G க்கான வருமானம் உன்னதமான காரணங்களுக்காக இயக்கப்படும். இந்த கேமின் வருவாயில் 20 சதவீதம் பாரத் கே வீர் அறக்கட்டளைக்கு அனுப்பப்படும் என்று அக்ஷய் குமார் கூறியுள்ளார். எனவே, நீங்கள் இந்த கேமில் ஏதேனும் பர்சேஸ் செய்தால், உங்கள் கட்டணத்தின் ஒரு பகுதி அராணுவ வீரர்களுக்கு சென்றடையும் என்று அர்த்தம்.
இந்த கேம் குறித்து நீங்கள் மிகவும் உற்சாகமடைவதற்கு முன்பு, இந்த கேம் இன்னமும் மேம்பாட்டு நிலையில் தான் உள்ளது என்பதை அறிந்து கொள்ளுங்கள், இப்போது வரை இதன் திட்டவட்டமான வெளியீட்டு தேதி குறித்த எந்த தகவலும் இல்லை.
மேலும், எந்த தளங்களில் இந்த கேம் கிடைக்கும் என்பதையும் டெவலப்பர் குறிப்பிடவில்லை. இது ஆரம்பத்தில் Android இல் தொடங்கப்பட்டு பின்னர் iOS க்கு நகரும் என்று தெரிகிறது. கேம் விவரங்கள், கிராபிக்ஸ் மற்றும் பொருந்தக்கூடிய தன்மை குறித்தும் எந்த விவரங்களும் இல்லை.
FAU-G மட்டும் தானா?
FAU-G என்பது PUBG மொபைலுக்கான வரவிருக்கும் ஒரு மாற்றாக இருந்தாலும், ஏற்கனவே இலவசமாக அணுக கிடைக்கும் சில தரமான பப்ஜி மொபைல் மாற்று கேம்களும் உள்ளன. ஆட்டோவை கால் ஆஃப் டூட்டி மொபைல் ஒன்றாகும், இது ஆண்ட்ராய்டு மற்றும் iOS-இல் இலவசமாக பதிவிறக்கம் செய்ய கிடைக்கிறது.
இந்த கேம் அடிப்படையில் PUBG மொபைலைப் போன்றது, ஆனால் இன்னமும் பலவிதமான போட்டிகளை நடத்த சிறந்த கிராபிக்ஸ் மற்றும் கூடுதல் மேப்களை கொண்டு வருகிறது.
முரட்டுத்தனமான 5000mAh பேட்டரி கொண்ட 5 பெஸ்ட் போன்களின் லிஸ்ட் இதோ!
இதேபோல், PUBG மொபைலுக்கு மாற்றாக FreeFire கேமும் உள்ளது. நீங்கள் Android இல் இருந்தால், Fortnite-ஐ பதிவிறக்கம் செய்யலாம். கூகுள் தடைசெய்த போதிலும், ஃபோர்ட்நைட் ஆனது PUBG மொபைலுக்கு ஒரு பிரபலமான மாற்றாகவேத் தொடர்கிறது. எபிக் கேம்களின் டெவலப்பர்களுக்கும் ஆப்பிள் நிறுவனத்திற்கும் இடையிலான சமீபத்திய பகை காரணமாக ஃபோர்ட்நைட் ஆனது ஐஓஎஸ்-இல் கிடைக்கவில்லை.
Post a Comment